تنظيف ارضية الباركيه الجزء الأول..!

I

قبل فترة اتكلمنا عن الباركيه وقلنا انه ينقسم لنوعين: مصمت ولامنيت
اللامنيت هوا عبارة عن خشب مضغوط مغطى من الأعلى بقشرة خشب 

اليوم راح نتكلم عن تنظيف اول نوع من انواع الباركيه واللي هوا اللامنيت وحبيت انقله لكم من فيديو اليوتوبر ميليسا ميكر

اللي موجود بقناتها 

Clean My Space

1- كنس الارضية بالمكنسة اليدوية او الكهربائية

2- استخدام ممسحة مايكرو فايبر مرنة ويدوية..الحلو فيها انها ماتحتفظ بالرطوبة

3- استخدام منظف البخاخ مو شطف(سكب) الارضية بالماء او المطهر لانه كذا راح يتأثر الباركيه و ينتفخ. اهم شي يكون البخاخ خاص بتنظيف ارضيات الخشب ومن النوع الجيد مو الرخيص، ونحرص اننا ننظفها بإتجاه واحد.

4- بعض الارضيات يبدأ يتكون عليها ترسبات واللي سببها مواد التنظيف القوية او الخاطئة فبالتالي تتضرر الارضية ويصعب معالجتها. ماعليكم الا استخدام البخاخ المخصص وممسحة ارضيه من الفايبر.

 بالنسبة للممسحة لازم تنظفوها دايماً و يوم تنظفوها لا تغسلوها بمنعم الاقمشه، مايحتاج تكون ريحتها حلوه لانه هذا النوع من الممسحات عادة يكون فيه مسامات نحيفة و صغيرة فالمنعم يسدها ومارح تمتص بعد كذا المنظف ويتكون طبقة زيتيه على الممسحة فتكون الترسبات على الارض

5- حماية الارضية من الاوساخ اللي تنتقل عن طريق الاحذية وانتو بكرامة 
أحرصوا على وضع سجادة صغيرة امام باب المنزل و داخله عشان تمسك الاوساخ العالقه في الحذاء وتمنع من دخولها للمنزل

6- اذا كان عندكم اثاث وحابين تنقلوه من مكان للثاني استخدموا اللباد اللي يمنع من خدش الارضيه. اسمه 

Felt pads 

موجود بالمكتبات

7- اخيراً مايحتاج تلمعوا الارضيه; لانها بالاساس مصممه على ان فيها لمعه

I

اذا كان عندكم اي سؤال تلقوني هنا

Twitter l Instagram l Tumblr l Pinterest