l
راح اخذكم اليوم في جوله بعالم العربيات
بما اني ام جديدة اول شي يخطر في بالي شراؤه هو اللوازم المكلفة نفس العربيه والسرير والاجهزه المهمه
بحثت كثير عن العربية المناسبة واكتشفت ان العربيات اتطورت وصارت متعددة الاستخدام. قبل مانتكلم عن انواع العربيات واستخداماتها نصيحتي اولاً انكم تخصصوا ميزانية للعربية لأن العربيات الجديدة اسعارها مرتفعة بالإضافة الى انه افضل تزوروا المحلات الموجودة بمنطقتكم. في حال مالقيتوا العربية المناسبة ممكن تطلبوها اون لاين
اول شي سويته اني زرت المحلات الموجودة بمنطقتي مثل محل
DBbabies
ومذركير
عندهم كذا ماركة للعربيات اكثر شي شدني هو ماركة
bugaboo bee
yoyo
Mima Xari
هنا مميزات كل وحدة
اول عربية اختارها اللعاب ديفيد بيكهام لبنته هي عربية بوقا بو بي
bugaboo bee
bugaboo bee
مميزات هذي العربية انها تنفع للأطفال الرضع (حديثي الولاده) بحيث ان المقعد يتمدد ويصير بشكل افقي وكأنه سرير
وتنفع كمان لسن اكبر الى عمر ٤ سنوات
مايحتاج تغيروا الكرسي ولا تشتروا كرسي جديد.. كله موجود في عربيه وحده
في منها كذا لون منها الاحمر، الاصفر، الاخضر، الازرق، الاسود والزهري
سعرها بحدود ال٣ الاف درهم/ريال و موجودة بمذركير او تقدروا تطلبوها من هنا
ثاني عربية واللي اختارتها كيم كارديشان لبنتها هي ماركة يويو
yoyo
هذي العربية مناسبة جداَ للسفر ومره حلوه للرحلات الطويلة لأنها خفيفة وعملية
بضغطة زر تتطبق وتصير كأنها شنطة، تدخل الطيارة و تقدروا تاخذوها اي مكان
العيب الوحيد اللي فيها انه بمجرد مايكبر طفلكم ماينفع ينحط في العربيه الا لو غيرتوا كرسيها
الكرسي سعره حلو مو مرتفع بحدود ٤٠٠ درهم/ريال
وشكلها عملي مو فخم ابداً
وشكلها عملي مو فخم ابداً
الوانها ازرق، رمادي، برتقالي، زهري، واسود
سعرها يفرق اذا كانت يويو القديمة او الجديدة
نقول بحدود ال٢٥٠٠ درهم/ريال القديمة اقل بشوية والجديدة اعلى بشوية وموجودة في مذركير كمان
نقول بحدود ال٢٥٠٠ درهم/ريال القديمة اقل بشوية والجديدة اعلى بشوية وموجودة في مذركير كمان
ثالث عربية وافخمها اختارتها كورتني كاريشان من ماركة
Mima Xari
هذي العربية جميلة، فخمة، انيقة، سعرها مرتفع
كرسي السياره منفصل وسعره خارجي يعني مايجي مع العربية
قالتلي الموظفة بالمحل ان اغلب الناس يشتروا هالعربية عشان شكلها وبعد فتره يندموا ويرجعوا للمحل يشتروا الماركات اللي ذكرتها في البدايه اللي هي يويو او بوقابو
منها اللون الاسود، اخضر، ابيض، بني، احمر، رمادي وبنفسجي
سعرها بحدود ال٥ الاف درهم/ريال و موجودة في
DBbabies
اخيراً عربية وكرسي سيارة في وقت واحد من ماركة
Doona Stroller/ car seat
بكل بساطة عربية اطفال تتحول لكرسي سيارة بسرعة و بدون ماتصحي البيبي
تنفع للأهالي اللي طلعاتهم كثير مره حتفيدهم
الوانها الاحمر، الاصفر، الاخضر، الازرق، الاسود، زهري ورمادي
موجودة اون لاين تقدروا تطلبوها من هنا
كرسي السيارة من مذركير ماركة
Maxi-Cosi
في منه نوعين
١/ الأول مناسب للطيارة بحيث له خاصية تثبيت حزام الطيارة
٢/ الثاني مناسب للسيارة واللي يميزه ان مافيه القطعة اللي تثبت الكرسي في الطياره
يعني مخصص للسياره فقط
اثنينهم نفس الشكل وفي منهم الوان واللي عجبني وخلاني اختاره لكم هو انه يركب على اغلب العربيات الجديدة
يعني ممكن تشيلوا الكرسي من السياره وتركبوه على عربيتكم على طول
"اهم شي تسألوا موظف المحل قبل ماتشتروا اي نوع من الكراسي اذا يركب على عربيتكم او لا؟"
كرسي الطيارة ب١١٠٠ درهم/ريال
تبع السيارة ب٧٥٠ درهم/ريال
l
اتمنى يكون الموضوع افادكم وقررتوا من خلاله اي عربية راح تختاروا
اهم نصيحة عندي لاتهملوا موضوع كرسي السياره لسلامتكم وسلامة طفلكم
No comments:
Post a Comment